Tres mots en occitan environan ara l’escudet AS Carcassona XIII sul malhòt jaune e negre dels canaris: Auzor – Tèrra – Paratge.
Tèrra, est lo terrenc, la pelena, son camp (que càmbia a la pausa!), la vila que, dins totes los espòrts collectius, cada esquipa representa e s’esfòrça de faire ganhar. Los dos autres tèrmes, encara plan d’actualitat, s’apièjan sus la rica civilizacion occitana medievala.
Auzor, aquò’s lo crit de raliament abans de se ronzar dins la granda mesclanha: Coratge! Ardit! Enabans (mas pas enabans de passa!)!
Paratge es la granda nocion de respècte, mai fòrta que lo fair play; respècte degut als partenaris e als adversaris, als entraïnaires e dirigents, al public, a l’arbitre, a las règlas e a l’esperit del jòc, a totas e a totes per que la fèsta del rugbi siague totala!
Anem: “Auzor per Ciutat! Auzor! Tèrra! Paratge per Ciutat e per Carcassona!” Cal rapelar qu’a l’estadi Domèc la marca de las partidas de tretze es anonciada en francés e en occitan, coma los Dracs va fan en francés, catalan (e unes còps) anglés a Brutus.
— Per las partidas a domicili, la replica del malhòt tradicional e istoric del XIII Catalan: blanc amb escapulari sang e aur.
— Per las partidas a l’exterior, l’escapulari serà present sus un malhòt raiat verticalament en “blau i grana” coma “el Barça” (amb Morgan Escarré dins lo ròtle de Lionèl Messi?).
— Lo malhòt per las partidas de Cup es presentat coma d’inspiracion aborigèna e jòga sul sang e aur desmultiplicat sus un fons blanc.
Lo calendièr del campionat es pas encara a jorn: las pluèjas sul país audenc menèron lo prefècte a interdire dimenge tot rescontre esportiu. Limós-Dragonets se jogarà sabèm pas quora. Pel compte de l’onzena jornada, l’AS Carcassona reçauprà justament los Dragonets tre dissabte 6 (18h30). Dissabte tanben, a 15h30, lo Tolosa Olimpic reçauprà Lesinhan als Minims. Dimenge 7, Palau reçauprà Vilanuèva e Avinhon se desplaçarà a Limós.
XIII e ràdios
Aqueste dijòus 4, a 18h30, RCF-Pays d’Aude parlarà de rugbi de XIII amb la redifusion de l’emission setmanièra del Cercle Occitan del país de Carcassona, Als 4 Vents, ont Jaume Blanco parlarà de l’espelida del XIII a Carcassona e ont se legirà de tròces de las òbras L’Afirolada (Ramon Gogaud e Alfred Raucolas) e La partida clandestina (Frederic Vouland). L’escasença es bèla per dire qu’aquesta cronica del Jornalet es represa en tèrmes quasi semblables sus las ondas de Ràdio Lenga d’Òc Narbona e Ràdio Lenga d’Òc Erau jol titol Lo XIII, aquò òc!
Alan Roch
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Unes mots, car Alan Roch, que los voriái evocar pr'amor rapelan nòstre "bon vièlh temps", l'atgi d'aur del rugbi occitan, l'atgi d'abans los darrèrs otratges de la colonizacion.
SATONAR : balhar còps de sabata. En latin lo SUTOR es lo sabatièr.
HONHAR : forçar dins la mesclada.
Las"MULES": mot remplaçat per los"GROS" dels jornalistas franchimands.
"BARGUÉ" (BARGAT) : cobert de macaduras.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
E parli pas del "Sud de F..." de las camisas catalanas. Vergonha!
Òsca a l'ASC, mas los mots son ben plan pichons en comparason amb tota la reclama.
Pecat que se posque pas crompar la camiseta de l'ASC sus lo sit internet...
Pecat que se posque pas crompar la camiseta de l'ASC sus lo sit internet...
Unes mots, car Alan Roch, que los voriái evocar pr'amor rapelan nòstre "bon vièlh temps", l'atgi d'aur del rugbi occitan, l'atgi d'abans los darrèrs otratges de la colonizacion.
SATONAR : balhar còps de sabata. En latin lo SUTOR es lo sabatièr.
HONHAR : forçar dins la mesclada.
Las"MULES": mot remplaçat per los"GROS" dels jornalistas franchimands.
"BARGUÉ" (BARGAT) : cobert de macaduras.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari